A proximidade das datas festivas do Nadal trae consigo a posta en marcha dunha nova iniciativa, a edición do noso certame de deseño “O C.B. Arxil e o Nadal”. O C.B. Arxil anima a participar ao maior número de xogadores e xogadoras posible; abrimos, pois, a convocatoria deste certame.
O Clube Baloncesto Arxil activa dende este mesmo martes o seu I Certame de Debuxo: “O C.B. Arxil e o Nadal” mediante o cal se premiarán os dous mellores traballos recibidos: ademáis o primeiro deles será a imaxe do Clube Baloncesto Arxil na súa postal deste Nadal 2014.
Os xogadores e xogadoras do noso clube poden participar enviando o seu debuxo e deseño persoal a través do que relacionen dúas temáticas: a súa paixón polo BALONCESTO e o C.B. ARXIL, e os mellores desexos para este NADAL 2014. A data límite para a entrega dos deseños e debuxos está marcada no 15 de decembro.
Premios
O C.B. Arxil galardoará ao vencedor con un lote de material e un agasallo. O segundo clasificado recibirá, pola súa banda, material deportivo.
A totalidade dos requisitos a cumprir para poder participar neste I Certame “O C.B. Arxil e o Nadal” detállanse nas BASES OFICIAIS que aquí se achegan.
BASES DO CONCURSO
Para participar é preciso enviar unha obra de deseño persoal que reúna os requisitos que a continuación se estipulan:
Poderán presentar os seus deseños e traballos todos aquelas xogadores/as que pertenzan o clube, dende a escola Baby Basket ata as senior, e que desexen expresar as súas inquedanzas artísticas. A temática da obra será O Clube Baloncesto Arxil e o Nadal.
As xogadoras/es que desexen participar poderán enviar a sua creación ó seguinte enderezo de e-mail: cbarxil@terra.com.
A obra poderá estar realizada a man ou mesmo a través de ordenador.
O tamaño máximo será papel A-4, aínda que se aceptarán tamén en tamaño máis pequeno.